燕谈 - Powered by Discuz! Board

标题: [转帖] 采菊人想起一段文革中格笑话－－半块红乳腐 [打印本页]

作者: kemingqian 时间: 2012-4-9 05:29 标题: 采菊人想起一段文革中格笑话－－半块红乳腐

本帖最后由 kemingqian 于 2012-4-9 05:31 编辑

一天，几个小赤佬马路上头晃来晃去，呒啥事体做，看到一对青年男女，从动作上可以看出是在谈朋友，大家都是过来人，知道结婚前后荡马路的相互动作是不同的。

迭几个小赤佬打甏起劲了，一个讲“我可以拿伊拉俩家头拆散”，其他几个自然不信，那么就打赌一块小冰砖。

迭只小鬼上去了，对话和动作如下（以小，男，女为名）

小（上前拉了拉男的衣袖）：阿哥，好回去咧

男（回头瞄一眼小,没介意）：侬啥人啊？

小：阿哥，好回去了，爷老头子叫侬回去啦

男（摔开小拉他的衣袖）：死开死开，小赤佬，啥人认得侬啊，（转过身对女）：啊里得来个小赤

佬，我又勿认得伊，搞啥屁招经。

小：阿哥，真格，侬再勿回去，老头子光火来。

男（冒火）：滚衲娘个咚采，啥人是侬阿哥啊？侬拆哪搞七捻三，当心吃生活！

小（装怕相，又拉着男的衣袖）：阿哥，真个，爷老头子老勿开心个，勒屋里骂三门，叫我出来寻

侬，寻着了侬又勿肯回去。

男（凶狠狠地）：松手！侬松手伐？再勿松手真格刮侬耳光了啊！

女（一边冷眼不语）

小（更拉紧了点男衣袖）：阿哥，侬跟我回去，好勿啦，侬勿回去阿姆还要骂我来

男（猛推一把小）：滚衲娘个蛋，阿里得来个小赤佬，冒充我阿弟，我阿里得有迭种坍招式阿弟阿？碰着赤佬了，死开点！

小（眼泪出来一点，用手一擦）：侬勿回去，侬晓得伐，隔壁阿三来问侬讨迭件的确凉衬衫，伊讲侬已经借了好几日还勿还给伊，伊还要用来，阿姆老勿捂心格，讲侬自家没有嘛就勿要借来轧台型。

男（火冒三丈，作势要踢小）：侬跑开伐，侬再勿跑开，看我勿一脚拿侬踢到马路对过去！？

小（哭出声了）：好好，侬勿回去，我回去告诉爷娘，侬老卵不过，本来阿姆替侬还留了半块红乳腐，回去我去吃特伊，勿特侬留了。（跑开了）

男（回头望，见女欲走开）：侬勿要跑呀，侬听我讲呀，迭只瘪三真个勿是我阿弟，真个啥人认得

伊呀，勿要跑呀，听我好好替侬讲，阿拉屋里勿是轧推板格.... 侬好好叫听我替侬讲呀 ....

作者: 水笺 时间: 2012-4-9 10:15

看不懂~

作者: 邱晓云 时间: 2012-4-9 10:24

好白相！

欢迎光临燕谈 (http://www.yantan.us/bbs/)